闖地獄

Posted on

好耐無寫自己生活了,更耐無用過自家網絡口語(自己用開既口語+書面語混合用法),好似有好幾個月都冇將一篇Blog單獨放係「回憶的足跡」呢個分類。難得4開飯前有些少時間,功課又唔係太忙,打幾句講下中六的生活。

開學已經近三個星期,小弟非常幸運地以中下遊成績進入呢個「表面天堂,內裡地獄」的中六,不過非常唔好彩地學校提供的科目選擇真係好有限,而且限制多多,加上成績麻麻,無緣修讀自己興趣果幾科。Pure Maths唔夠班讀唔到我認命;CA學校死都唔開無計;修M&S又唔比修Phy,擺到明斷人後路,自己又難度討厭Bio,都係冇得讀。最後被迫在Phy上讀一個有d興趣但考唔好既Chem,以及有興趣但無「錢途」既通識。對於升大學想要既學系,即係電腦工程學 or 電腦科學,呢個組合真係好危險下,一科數科都冇已經夠蝕底,只有Phy作為唯一的「生鏽鎖匙」,點解生鏽?Read on…

今年又多左唔少新老師,當中兩個重要教AL,真係講黎教非。英文Lai姐去左A班,新黎既Mk Koo做左班主任同英文老師,不知是禍還是福。現時睇落還不錯,程度同Lai姐有返咁上下,但又唔會迫得太緊,上堂氣氛輕鬆好多。大家都感覺到,所謂迫得唔緊只係暫時的,而現時的略為偏向過鬆,而好快就會迫得更緊,不過我都係希望唔好迫到好似Lai姐咁緊,適當就好了。

Phy就真係糟糕了,幾乎可以肯定學校已經再無人可以好好教到AL Phy,新黎既Ms Ho畢於本教,又據聞係當年既優材生,本以為佢唔會教得太差。點知經驗原來真係咁重要,如某人話齋,佢教書猶如做present,囉唔到重點,有時連自己講既野岩唔岩都唔肯定,睇黎今屆真係前路茫茫。據程周sir都下左「補習令」,強烈建議補習;成成又開班授徒,大家心裡都對今年Phy有了個底,呢位老師的份量真係不敢恭維。

————————————–Dinner Time————————————–

食完飯返黎,繼續講落去。其實我好唔中意d野做到一半就中斷,尤其係寫野。自己中四開始既短線記憶好差(唔知係咪地獄成訓練既副作用=.=),5秒前諗到要做既野5秒後可以完全唔記得左,呢個就係我成日放本Note book係恤衫袋既原因。係寫作,諗到寫乜,作遲d真係可以唔記得晒d point,中斷後再作,直頭可以作到同前文完全唔同既style,所以呢篇文,我睇多數都寫漏晒我想寫既野,不過都冇計…….

通識呢一科,比起Chem有信心,亦更有興趣,而且係最學到野既一科,不過好可惜通識呢科既份量卻出奇地低,從來冇一個學系會睇重呢科成績。唉,真可悲。不過我唔係功利主義既人,既然好多科AS都不被睇重,而作為補足分數又係較好既科目,沒有什麼好斤斤計較,通識呢科真係學到野就唔錯了。現時上堂都幾輕鬆,而且幾有啟發性,都唔錯。不過不久的將來就會有好多戶外活動—從實踐中追求進步。

至於課外活動呢,今年學校似乎有唔少活動,都係為334而設,中六中七可以搭單玩埋一份。當然啦,334行頭,重邊會專為預科生搞活動?呢個JA Company個構思真係唔錯,不過冇自己人一齊玩,自己都唔敢去玩。學生會,現在開始由中五包辦,相信會幾有聲,不過唔知有冇色。我個人支持中五開學生會既,比一班蛀書蟲去為學生謀福址還好,謀精彩就好難了,除左n年前個芝心批,都未見過一個有生氣既學生會。

至於自己呢,本來諗過搞起電腦學會,不過自己份人呃….算罷啦。但係係中六一樣課外活嵇都撈唔到又真係幾灰,最後接受左某人邀請做左紅社幹事,雖然唔知佢有冇上心……

吊頸都要抖氣,真係唔迫得自己太緊,但係平時唔溫下書真係唔得,再但係自己真係冇乜動力去努力,自己真係太中意玩了^^,呢一篇野都算係偷懶之作。自己究竟有冇勇氣去闖過呢個「底層」地獄呢?可能要睇自己的造化,一切順其自然吧!

廣告

3 thoughts on “闖地獄

    Ruby Poon said:
    16/09/2010 at 下午 10:47

    我連PHY都冇………最想讀都係計數機工程sosad

    wonka said:
    17/09/2010 at 上午 12:15

    🙂 phy.. 大燁+油!

    虛幻的青鳥 responded:
    17/09/2010 at 下午 5:46

    @Ruby Poon

    可有數理科目?

    @wonka

    其實呢度有個叫「Connect With Facebbok」既按扭可以用FB ac留言,唔洗打資料

    Phy盡放心力中 👿

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s