如何用這$8000?

Posted on

人口普查做19日,$7880連培訓津貼就可以袋袋平安。經常都有人問我呢八千蚊會點樣用,會買d乜,我都無辦法即時答出。最近諗過下,其實可以買的野都唔少,下面列舉幾件有興趣想買的貴價貨品:

4.單反相機

作為一個熱愛攝影的人,一部單反當然係夢寐以求,影得好影得靚,影得更具意境。一直用住傻瓜機,攝影上有好多唔方便的地方,而且唔夠清晰細致,唯一的好處只係攜帶方便。不過呢,未來一年應該都冇乜機會同場合很須要用到專業級攝影器材,所以呢個選項放係呢張list的最後一位。

3.手錶

自己戴緊果隻電子錶都戴左好多年,呢年來都想換過另一隻新的,而且我睇中d黑鋼機械錶,似乎幾好睇,成熟得來又帶點活力。年初跟家人去買錶時留意到ellesse呢個牌子d錶幾岩心水,不過賣到成二千幾三千。再諗下,依加呢隻錶都重好實用,之前大修過一次,有排都未壞得,所以無迫切需要買隻價格差成10倍以上的新錶,睇黎買錶用唔到呢份糧。

2.書本

今年書展又miss左好多好書未睇到,係FB同新聞見到幾本幾吸引的時政書,重折得好勁下,重係新聞見到有檔賣電腦書超平,真係好後悔當日冇行勻晒同睇清楚。可惜的是,上年買返黎既書到E+都未睇晒,今年又買左3本,暑假又係圖書館借左兩本,未來重有個可惡的AL阻頭阻勢,d書買返黎都冇機會睇。

1.手機

年半前極度幸運地係《e-zone》10週年活動中抽中Sony Ericsson的Satio酒紅色,真係好爽。第一次中獎,第一次中價值$5000的獎,得到左當時夢寐以求的智能手機,十分興奮。只可惜,Symbian係智能手機界已經無立足之地,部機都冇乜野可玩,實用工具都非常有限。如果可以,我希望換部Android機。但事實上呢,我E+都冇乜點玩手機d apps,主要都係影下相、聽下歌、睇下片,Satio已經滿足晒我呢d基本需求,Android只係錦上添花,而且換手機一向都係家中大事,更何況部機都只係用左1年零4個月(今日剛好踏入第4個月),要得到批準都有d難度。

事實上一句講晒,諗下就好了,呢d都只係欲望,有幾多係真係需要?未去到渴求的程度,買黎都係晒。所以呢$8000好大機會都係收歸國有。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s