未來錢

Posted on

今日開工真係特別,份份都送到山卡啦咁遠,綸華又有、匯力又有、裕豐呢d偏僻工廈又有,連超遠既東南都有,日同夜都係咁,真係神奇。更神奇既係,無論去到邊,都總會撞到鴻利既人,去到東南咁遠都會撞到@@

最特別既係,今晚有個細路,一走入黎就話要食辣火腿通,佢阿巴唔比佢食辣就大發脾氣,食完走左一陣又打過黎叫公司三文治,無錯,係夜晚叫公司三文治,更奇既係送去補習社,幫佢比錢果個係佢既老師…

今日重面對了第一次犯錯,做左四日先出錯算係幾好啦。聽電話寫錯地址,最後送果時當然就一鑊粥了。結果呢?我都唔知,好似不了了之最後都冇送了。

講下翠豐,我真係幾憎佢d lift,架架d頭層排佈都唔同,有d門掣係上面,有d係下面,有d數字掣係上至下咁排,有d又下至上咁排,搞到次次都搵餐死。唯一唔錯既,就只係道門,黑鋼制的,幾好睇,後面鏡面可以照鏡。

入返正題,係度做應該都賺到3000-6000個大洋,呢筆錢如果無收歸國有既話可以點用呢?講買野我倒有幾樣想買。有$6000當然買部notebook好,夠實際,以後唔洗爭電腦。另外,買部相機都唔錯,$6000都應該買到部入門級既DSLR,不過我似乎未夠班玩到咁勁,而且我都唔係影得好頻密,其實一部M4/3已經足夠了,更加實際。

如果冇咁多錢,亦可以買個外置硬碟,方便備份,E+電腦入面d垃垃雜雜野已經有幾廿GB,當中圖片幾GB,影片幾廿GB,兩年來既文件、存檔又有幾GB,相都有1GB。有個硬碟點都方便d

有可能換個喇叭同個mon就更好了,對比超低既mon睇片打機都唔多掂,喇叭如果有個2.1靚聲d就好了

其實呢d野又唔係好必要既,都係諗下姐

廣告

錢不能用來改造人

Posted on Updated on

全文閱讀:http://wp.me/pxpHx-7G

人們以為只要投放資金,就能改造人們,使他們學會,或推動他們做特定的事。可是他們的動機、興趣和動力,是再多的金錢也不能推動。

人活生生有智慧,有心靈,有思考的。他們不是機械人,不是遊戲中的角色,不是按幾個鍵,或放幾個錢就能改變他們的能力,習得一項技能。]

錢能改造社會,但不能改造每一個人。

政府常常把投放資金掛口邊,說放了多少錢去推動閱讀、推動公務員利用網絡等等,但是如何推動呢?最常用的手段是學辦學習班,教他們如何辦事。他們以為只要給市民教育一番,就能讓他們去做政府想要他們做的事:舉辦一個閱讀比賽,就能令市民多看書;教了公務員如何上網,他們就會在網上和市民溝通,不行,就強制他們去做,這些想法大錯特錯。

市民們有自己想做的事,有自己的興趣,有自己的需要,並不是隨意可以改變。有人說政府應該要在網上和市民溝通,要是官員們沒有興趣,那我們也沒有辦法,上級強行開班教授,要他們開辦網絡聯絡渠道,到頭來是徒勞無功。這是官員們的失敗,他們平日無心理會民意,更無心廣開渠道,政府迫他們去做也沒有意義。

這些資金只可以用來營造適合的環境,供真心的人去運用。政府本應深明這個道理,並已運用在經濟環境上,但為何到民生上又不行呢?

要是官員其實很想在網上和市民溝通,但不會使用網絡,這個就是環境上的不足,這時政府就可以用上面的手段來營造一個適合的環境,讓一班「有心人」能發展所長,這才是資金的實際用途。

正所謂有「心栽花花不開,無心插柳柳成蔭」,既然政策不符合社會風氣,不符合對象的心意,再做下去也只是徒勞。迎合人們所想,為他們提供支援,才是改善大家生活的正解。