nRadio

“Super Charge" then “Super Change"

Posted on Updated on

“Super Charge" then “Super Change",就是《超級衝剌》和《超級巨變》

4至5月係衝剌的時期—會考來了,幾十年來每一個人一生最重要的關口,今年輪到我來經歷了。雙拳難敵EAA,年年都比EAA玩得透,今年都唔例外。冇人估到今年Phy無放生,出份難度較高的卷;CIT唔係唔識,係煩到唔夠時間諗;中文,一齊自嘲啦。最有信心既兩科應該都失守了,頭兩日未適應考唔好,又要大傷風,唯有認命,16分都好泯水下。

順帶講下歷史,Operation Super Charge其實係二戰時期北非阿拉曼戰役英軍的一次行動代號,橫掃千軍的隆美爾同佢既德國非洲軍團就係係阿拉曼接受了他們永不翻身的慘敗。

會考完後,巨變更多了。考完試自然要出黎搵暑期工,發現競爭真係好大,僧多粥少。第一份係見柯達打字員,本來好有信心,點知一個中文輸入法就將領先的我打沉了。我知九方要收錢唔係間間公司都用,但係都唔fix死要用倉頡/速成掛,可憐我兩種輸入法都打得好慢,未試打字就已經比人請左出門口。免費輸入法中打得最好係行列,可惜人地唔接受,都冇計。跟住又交左幾份form,都係書局既,不過冇回音。OK、7仔都唔請。到左前幾日,終於都去左間茶餐廳做外賣同樓面,關於呢樣野,遲d再講。

另一個巨變,係電台了。首先係我升職成為幕後部主任了,幕後部是一個最爛的攤子,大部分員工都係潛水員,浸死埋果隻,花左個幾星期先拉返部分人上水。接下來我重新為幕後部定下方針,分配好各人工作,一星期後,終於愈上軌道。

不過,電台又發生另一個巨變了,nRadio於一週年面臨重大危機,我地既最高領導人唔撈了,搞到全台人一頭煙,要係全無領導、只有3日時間既情況下重新統籌一週年各項活動。作為半個高層的我,自然又有野做了,今次又係要去執另一個爛攤子—統籌《獨家演說》。呢個辯論節目因質素不足而停播了一段時間了,突然間又要我搞返起佢,咁我唯有盡下人士,幫手統籌。由搵人到度稿基本上都係我包辦。最後由於時間不足,雖節目順利出街並打圓場,不過質素與以前無異。

巨變接踵而來,一週年後,唔撈的總監又突然另起爐灶,重要拉走一班老臣子跳槽,當然包括我在內。講心果句nRadio的確好難再發大黎搵,因根基較弱,比較混亂,砍掉重來可能係一個好方法。最後,我都係跟住跳槽了。其實我對搞網上電台又冇乜熱誠既,不過如果電台搞得好,自己開心,何樂而不為呢?新電台既中文名係「領先電台」,而英文名係我起既,叫「Radio Xpress」,以express、press及X作為含意,大家可以想想係咩意思。現在我又重返轉播部工作了,聽聞7月重要去幫手開班教人搞電台。

巨變還有更多,假期的來臨,是人生一大樂事,生活和上學的日子截然不同,而我要做回兩年來一直未有機會做的事。第一係踩單車,成年都冇踩了,終於係開工前踩個夠本。還有就係學寫網頁同程式,前者大家都見到我做緊了,wordpress並唔難學,不過搞得個blog好好睇睇就要花好多心思了。後者我希望有時間學啦,而且寫program亦都係我將來的一個目標,不學不可,願我可以唔靠天書自己寫到幾個程式。講打機,兩年間真係錯過左唔少games,帝國全戰、英雄連、縱橫諜海、戰地風雲、模擬城市、大航海時代等等千百樣遊戲都係我想玩而之前錯過的。

接下來的人生重會有更多的變化,有苦有甜,我需要好好面對。

廣告

nRadio的連串活動

Posted on Updated on

全文閱讀:http://wp.me/pxpHx-7j

nRadio是一個由一班年青人一手經營的網絡電台,由2009年5月23日重新啟播至今,一直深受各位聽眾支持,與各位聽眾渡過每一個不同的晚上。為了讓各位聽眾享受更優質的節目,而且農曆新年將近,所以決定提供更多優質服務供聽眾選擇,我們準備了一些特備節目於新春期間為大家放送,讓你們可以和我們一起渡過普天同慶的新春佳節!

首先, 先為大家介紹一下我們在新春期間推出的特備節目:
1.        30小時狂奔
每天只有數小時的節目,你還覺得不足夠嗎?還想繼續下去嗎?那你就不要錯過以下的機會了!nRadio將於二月十日下午6時正至二月十一日的上午12時, 我們將會與各位聽眾不眠不休地渡過30個小時。在這兩天期間,我們除了會有清談節目和音樂節目之外,還會有更多元化、不同類型的節目給您收聽。

2.        新春特備節目
於新春期間,我們仍然會與大家渡過每一個晚上。首先在年三十晚,我們將會於晚上跟大家一起倒數迎接農曆新年的來臨;在接下來的年初一及年初二,我們除了會 推出遊戲環節讓聽眾參與之外,我們更會讓大家在年初一暨情人節這個特別的日子,為大家提供占卜服務等等,為大家的新春佳節更精彩更有意義。

當然在特備節目中,我們亦會推出大家最喜歡的有獎環節。有獎環節的獎品十分豐富,大家更有可能會從有獎環節中獲得3800久遊點數卡!所以,千萬別錯過這麼精彩的節目!

除此之外,我們亦會在不久之內為大家提供更多更好的服務讓聽眾們享受:
節目重溫
可能你會因為有要事而錯過了精彩的節目;可能你會因功課而錯過了自己喜歡的主持的節目……現在就不用擔心了!因為我們將會推出節目重溫計劃,讓聽眾能重溫自己所錯過的節目,甚至能回味一下節目中的樂趣,不會再受時間所限制!

廣告計劃
以往在收聽nRadio時,都會聽到一些具創意及吸引力的廣告,可是聽眾卻往往不能享受此服務。現在,我們正式推出新廣告計劃!如果大家想在nRadio 宣傳,我們一律來者不拒,大家可以宣傳一些公開活動之外,還可以透過大氣電波與摯愛告白!如果你有興趣的話,就即刻到電台事務部查詢吧!

官方網站(nRadio.org)
在官方網站之中,大家可以找到各種不同類型的資訊,例:主持資料及節目時間表。為了讓大家更了解我們,我們會於nRadio.org為大家提供更多的資訊及服務,所以大家要密切nRadio.org的更新啊!

如果大家想知道更多最新消息的話,請緊記留意樂古論壇的電台事務部專區及nRadio.org官網的最新動態啦!

受保護的文章:開學以來

Posted on Updated on

該內容受密碼保護。如欲檢視請在下方輸入你的密碼:

同時:節目轉播員

Posted on

nRadio最近展開一次「微調」
好幾個輔助部門被取消了
而我所在的技術顧問部係其中一個
咁無論如何所有工作人員都要參與一個輔助部門
所以我被調到節目轉播部了

呢個部門係做咩呢?
就係為多人主持的節目做轉播
亦要播放及主持因特殊原因而要預先錄製的節目

琴日可謂nRadio之日
下午一坐係電腦前
轉播部既同事已經馬上走黎揾我要訓練
要學既就係
1.如何連入nRadio Server
2.調校好轉播音量
3.清楚節目流程、預備好一般情況下需要播放既錄音
4.配合主持需要

咁樣一搞就係個半鐘
然後進入既係一次由我轉播既內測節目

由於事前準備不足
節目比原定遲左15分鐘開始
又真係幾失敗
不過後來都比較順暢了

呢個內測既節目名為青山open day
由比較gag既柚柚、恆仔同雞仔主持
開頭都係搞下gag
到後來變左一次nRadio內部法庭
審既係另一位轉播部成員Y少放飛機事件
佢辯稱電腦被人徵用先做唔到轉播測試
但係佢又冇同任何人講聲
明顯係佢有錯啦
另外佢又有個問題係開唔到stereo mix
咁真係好大問題
佢又做主持又做轉播
但係開唔到stereo mix就兩樣野都做唔到
身為前技術顧問當然義不容辭係節目後同佢解決左
希望佢之後都冇問題啦

夜晚又要當值
係PA果邊
全日都已經奉獻左比nRadio
以後如果有多人節目轉播既話就要做埋PA果邊既工作
工作量係之前做PA既幾倍以上
睇黎下次當值要更加打醒十二分精神
唔好再做其他野
專心聽住個節目了

忙裡偷閒PA工

Posted on Updated on

PA既工作終於比較有系統了
琴日開始正式開始有意義的工作

10:00
檬仔既節目開始
工作都好輕cam姐
記錄一下人數
監察住電台情況
提一下主持播錄音
催主持收工…..

今日夠晒特別
係工作既同時又要娛樂
我所指既娛樂係指參加檬仔個節目
參加呢個檬之王遊戲
同學們琴日都應該聽左啦掛….

時間王真係好易估
計下港鐵由一站到另一站所需時間
所以6條答中左5條
100分
唔知有幾多

地名王就難啦
香港地名真係古靈精怪
估唔到

1/7-10:00
呀….夠鐘開始今日既工作
邊工作邊打啦….
E+既節目係論論盡盡一粒鐘
DJ係柚柚

E+既野係隨想隨寫既
希望過左幾個鐘之後睇既大家睇得明啦

10:05
咦,今日開始有新工作安排
要幫手搵天氣資料
ok,搵到
報埋

10:08
聽住個節目,繼續寫落去
今日nRadio好似發生左好多大事
會議室多左好多工告
大概係琴晚完成左新一輪既招募
出左好多新指引
陣間真係要睇睇

10:13
聽聞呢班新仔都只因為想與受歡迎既主持而慕名而來
希望佢地做到野啦

10:18
講到節目
其實我完全唔知講緊咩
因為打緊呢編野,完全冇留心聽
算了,做人肉計時器

10:21
柚柚播音樂…好大聲
唔知係咪佢太hi-tec
佢話要校個音響先校到音量,好煩唔想校…
我無言了
算了吧,還掂又唔係大到無法接受
繼續

10:26
死啦,唔記得記錄10:20既人數
即刻寫返落去
過在幾分鐘應該唔會有太大變化掛…

10:29
提左下主持要講既野
其實係我既感想

佢話唔知點解會考要拉curve
我就話啦
因為學生既質素愈黎愈差,唔拉既話出黎個成績就好難見人,政府好難交待

10:35
n年前下載左個倒換計時器
一路都未用過
E+終於有用
幾次係我差d唔記得記人數時提醒左我

10:41
節目收聽人數係10分鐘內暴升左10個
真係好啦

10:43
留言版班人竟然想見柚柚個樣= =
PA工作:都係要反映下

10:51
有人回報話聽唔到一邊聲道
變到好細聲
我聽唔出有事
睇黎係佢既問題

10:58
節目完結
大致ok
無乜大問題發生
記埋人數收工

希望記錄完今日既事後大家會更清楚PA既工作啦

受保護的文章:陌生的會議陌生的口

Posted on Updated on

該內容受密碼保護。如欲檢視請在下方輸入你的密碼:

不起眼既PA

Posted on

成為PA正式工作近一個月了
依然好得行
被指派的工作就只有—宣傳
點解呢件工作會係比PA做呢?
我都唔知
難道身為主持既秘書就係咁簡單?

又唔算係既,起碼「經常性」地幫自由雄做既
第一次就係同佢做訪問啦
果次好失禮既訪問真係好失禮
但起碼為nRadio增添不少氣息

另外一次又係自由雄
幫佢錄一段好低能既廣告
「樂古首個足球節目….我係XXX,大家一定要支持…..」

第三次就比較正常啦
係幫佢搵音效
又要叫雞又要歡呼

第四次更加正常
係幫佢搵歌
呢次真係最有意義既事
搵左好耐
張list好長好長
近百首歌
現時所做最忙但最正常既工作也不過如此

現在,想要尋求更有挑戰性既工作
已經申請左去新聞部報新聞
如無意外都會錄取
有挑戰性之餘又可以練下個人短講
順便增加下係樂古既知名度
一舉三得